ಭೂಮಿ ಮೇಲಿನ ಬೃಹತ್ ಜಮಾವಣೆ ಹಾಗೂ ಪವಿತ್ರ, ದೈವೀಕ, ಭಾವೈಕ್ಯತೆ, ಆಧ್ಯಾತ್ಮಿಕತೆಯನ್ನು ವರ್ಣಿಸುವ ಅಮೂರ್ತ ಸಾಂಸ್ಕ್ರತಿಕ ಪರಂಪರೆಯೇ ನಮ್ಮ ಕುಂಭಮೇಳ, 45 ಕೋಟಿ ನಿರೀಕ್ಷೆ ಜನರ ಪುಣ್ಯ ಸಂಗಮ/ಸಮಾಗಮ ಈ ಮೇಳ ಪ್ರಯಾಗರಾಜ್‍ನಲ್ಲಿ ನಡೆಯುತ್ತಿರುವ ಈ ಮಹಾ ಉತ್ಸವವನ್ನು ಬಾಹ್ಯಾಕಾಶದಿಂದಲೂ ಕಾಣಬಹುದಾಗಿದೆ. 45 ದಿನಗಳ ಸುಧೀರ್ಘ ಆಚರಣೆಯಲ್ಲಿ ಸಾಧುಗಳು, ಯಾತ್ರಿಗಳು, ಪವಿತ್ರ ತ್ರಿವೇಣಿ ಸಂಗಮದಲ್ಲಿ ಮಿಂದು ಸಕಲ ಪಾಪಗಳಿಂದ ಮುಕ್ತರಾಗಿ, ಮುಕ್ತಿಯನ್ನು ಪಡೆಯುವ ಸನ್ಮಾರ್ಗವೆಂದರೆ ಉತ್ಪ್ರೇಕ್ಷೆಯಾಗಲಾರದು. ಸಂಸ್ಕ್ರತಿ, ಜ್ಞಾನ, ವಿಜ್ಞಾನ, ಆಧ್ಯಾತ್ಮಿಕ, ಧಾರ್ಮಿಕ, ಜೋತಿಷ್ಯ, ಖಗೋಳಶಾಸ್ತ್ರದ ಪರಿಪೂರ್ಣತೆಯಿಂದ ಬೇರೂರಿರುವ ಭಾವನೆ ಹಾಗೂ ದೃಢ ನಂಬಿಕೆಯ ಮತ್ತೊಂದು ಹೆಸರೇ ‘ಮಹಾ ಕುಂಭ ಮೇಳ’ (Murugesan, 2016) ) ಈ ಮೇಳದಲ್ಲಿ ಸಪ್ತ ಋಷಿಗಳು, ಸಪ್ತ ಚಿರಂಜೀವಿಗಳು ಸಾಮಾನ್ಯರಂತೆ ಬಂದು ಪಾಲ್ಗೊಳ್ಳುತ್ತಾರೆ ಎಂಬ ನಂಬಿಕೆಯೂ ಇದೆ. ಹಾಗೂ 2017ರಲ್ಲಿ UNESCO ಅಂತರಾಷ್ಟ್ರೀಯ ಅಮೂರ್ತ ಸಾಂಸ್ಕ್ರತಿಕ ಪರಂಪರೆಯ ಪಟ್ಟಿಗೆ ಕುಂಭಮೇಳವನ್ನು ಸೇರಿಸಲಾಗಿದೆ.