Author(s): ಕುಮಾರ ಮಜರಲಿ ಕೆ ಕಲಾರಿ, ಪ್ರಶಿಕ್ಷಣಾಥಿ೯, ಮತ್ತು ಡಾ.ರಾಘವೇಂದ್ರ ವಿ ಮಾಡಳ್ಳಿ

Abstract: ಕ್ರಿಯಾ ಸಂಶೋಧನೆ ಪ್ರಾಯೋಗಿಕವಾಗಿ ಶೈಕ್ಷಣಿಕ ಸಮಸ್ಯೆಗಳಿಗೆ ಪರಿಹಾರವನ್ನು ಕಂಡುಕೊಳ್ಳಲು ಸಹಾಯವಾಗಿದೆ. ಈ ಸಂಶೋಧನೆಯ ಮೂಲಕ ಮಕ್ಕಳ ಸಮಸ್ಯೆ ಗುರುತಿಸಿ ಪರಿಹಾರ ಕಂಡುಕೊಳ್ಳಬಹುದು. ಆ ನಿಟ್ಟಿನಲ್ಲಿ ಇಂದಿನ ಪ್ರೌಢಶಾಲಾ ಹಂತದ ಮಕ್ಕಳಿಗೆ ಕೇಂದ್ರ ಮತ್ತು ರಾಜ್ಯ ಶಾಸಕಾಂಗಗಳ ಕುರಿತು ಪೂರ್ವ ಪರೀಕ್ಷೆಯನ್ನು ನಡೆಸಲಾಯಿತು, ಅದರಲ್ಲಿ ಕೆಲವೊಂದು ಗೊಂದಲಗಳನ್ನು ಗುರುತಿಸಲಾಯಿತು, ಅದರಲ್ಲಿ ಪ್ರಮುಖವಾಗಿರುವುದು ಕೇಂದ್ರ ಶಾಸಕಾಂಗ ರಾಜ್ಯ ಶಾಸಕಾಂಗ ರಚನೆ, ಅಧಿಕಾರ, ಕಾರ್ಯಗಳ ಬಗ್ಗೆ ತಿಳಿಯಲು ತೊಂದರೆ. ಆ ತೊಂದರೆಗೆ ಇರುವ ಕಾರಣಗಳನ್ನು ತಿಳಿದು ಅದನ್ನು ಪರಿಹರಿಸಲು ಚಟುವಟಿಕೆಗಳ ಮೂಲಕ ಪರಿಹಾರ ಬೋಧನೆಯನ್ನು ಕೈಗೊಂಡು ನಂತರ ಸಾಫಲ್ಯ ಪರೀಕ್ಷೆಯನ್ನು ಕೈಗೊಳ್ಳಲಾಯಿತು. ಆಗ ಗೊಂದಲಕ್ಕೆ ಅಥವಾ ತೊಂದರೆಗೆ ಒಳಗಾದ 18 ವಿದ್ಯಾರ್ಥಿಗಳ ಗೊಂದಲ ಪರಿಹಾರವಾಗಿ ಅವರು ಉತ್ತಮ ಅಂಕ ಪಡೆದಿರುವುದು ತಿಳಿದು ಬಂತು.