Author(s): ಕನ್ಯಾಕುಮಾರಿ.ಎಸ್, ಡಾ.ಕೆ.ಶಾರದ

Abstract: ಸ್ತ್ರೀಸಂವೇದನೆಯ ಆಧುನಿಕ ದೃಷ್ಟಿಕೋನಗಳನ್ನಿರಿಸಿಕೊಂಡಿರುವ ಪ್ರತಿಭಾ ನಂದಕುಮಾರ್ ಮಹಿಳಾ ಶಕ್ತಿಶಾಲಿ ಬರವಣಿಗೆಗಳು ಸ್ತ್ರೀಯ ಜೀವನಶೈಲಿಯನ್ನು ಬದಲಾಯಿಸಲು ಹಾಗೂ ಉತ್ತಮ ಜೀವನ ರೂಪಿಸಿ ಕೊಳ್ಳಲು ಸಹಕಾರಿಯಾಗುತ್ತವೆ ಎಂಬ ವಿಶ್ವಾಸ ಹೊಂದಿರುವವರು. ಇವರ ಬರವಣಿಗೆಗಳಲ್ಲಿ ಸ್ತ್ರೀ ವಿರೋಧಿ ನೀತಿಗಳನ್ನು ಪ್ರತಿರೋಧಿಸುವ ಗುಣಗಳಿವೆ. ಸ್ತ್ರೀ ಸ್ವಾತಂತ್ರ್ಯಕ್ಕೆ ಧಕ್ಕೆಯಾಗುವ ಯಾವುದೇ ಸಂಗತಿಗಳಾಗಲಿ ಪ್ರಶ್ನಿಸುವ ದಿಟ್ಟತೆಯಿದೆ. ಸ್ತ್ರೀ ವಿಮೋಚನೆ, ಸ್ತ್ರೀ ಸ್ವಾತಂತ್ರ್ಯದ ಪರಿಭಾಷೆಗಳ ಬಗ್ಗೆ ಮಾತಾನಾಡಿದರಷ್ಟೇ ಬದಲಾವಣೆಗಳಾಗಲಾರವು ಎನ್ನುವ ಅಭಿಪ್ರಾಯವಿರಿಸಿಕೊಂಡಿರುವ ಇವರು ಸಾಮಾಜಿಕ ಅಸಮಾನತೆಗಳನ್ನು ನಿಸ್ಸಂಕೋಚವಾಗಿ ಸಶಕ್ತಕಾರಿಯಾಗಿ ಬರೆದು ಪ್ರಕಟಿಸುತ್ತಾರೆ. ಇದು ಪ್ರತಿಭಾರವರ ಅಂಕಣ ಬರಹಗಳ ವಿಶೇಷತೆ.