Author(s): ಡಾ: ಸತೀಶ್ ಎಲ್.ಎ.

Abstract: ಬೆಳಕು ಶಕ್ತಿಯ ಪರಮ ರೂಪ. ದ್ಯುತಿ, ಎಂಬುದು ಬೆಳಕಿನ ಇನ್ನೊಂದು ಹೆಸರು. ಈ ಭೂಮಂಡಲದಲ್ಲಿ (ಭೂಮಿಯಲ್ಲಿ) ಬೆಳಕಿನ ಸಹಾಯವಿಲ್ಲದೆ ಜರುಗುವ ಕ್ರಿಯೆಗಳೇನಾದರೂ ಇದ್ದಲ್ಲಿ, ಅವುಗಳು ವಿರಳದಲ್ಲಿಯೂ, ವಿರಳಾತಿವಿರಳವೇ ಸರಿ!. ಭೂಮಿಗೆ, ಬೆಳಕಿನ ಮೂಲ ಆಕರ ಸೂರ್ಯ (ನಕ್ಷತ್ರಗಳ ಪ್ರಸ್ತಾಪವಿಲ್ಲ). ಬೆಳಕಿನಿಂದ ಭೂಮಿಯ ಮೇಲೆ ಸಂಭವಿಸುವ ಬಹುಮುಖ್ಯವಾದ ಕ್ರಿಯೆಯೆಂದರೆ, ಅದು, ದ್ಯುತಿಸಂಶ್ಲೇಷಣೆ (Photosynthesis)¹. ದ್ಯುತಿಸಂಶ್ಲೇಷಣೆಯಿಂದ ಉತ್ಪತ್ತಿಯಾಗುವ (ಅಂದರೆ, ಪಿಷ್ಟದ ಜಲವಿಭಜನೆಯಿಂದ ದೊರೆಯುವ) ಪದಾರ್ಥವೇ ಗ್ಲೂಕೋಸ್2. ಇದು, ಮಾನವನ ದೇಹ ಮತ್ತು ಮಿದುಳಿಗೆ ಅವಶ್ಯಕವಾಗಿರುವ ಶಕ್ತಿಯ ಪ್ರಾಥಮಿಕ ಮೂಲ. ದ್ಯುತಿಸಂಶ್ಲೇಷಣೆ ಕ್ರಿಯೆಯು ವಾತಾವರಣದಿಂದ ಇಂಗಾಲದ ಡೈಆಕ್ಸೈಡ್ (Cabon dioxide) ಅನ್ನು ತೆಗೆದುಹಾಕಿ ಆಮ್ಲಜನಕವನ್ನು (Oxygen) ಬಿಡುಗಡೆ ಮಾಡುತ್ತದೆ. ಹೀಗಾಗಿ, ಈ ಕ್ರಿಯೆಯು ಮಾನವನಿಗೆ ಆರೋಗ್ಯಕರ ಜೀವನಶೈಲಿಯನ್ನು ಕಾಪಾಡಿಕೊಳ್ಳಲು ಅತ್ಯಾವಶ್ಯವಾಗಿದೆ. ನರಕೋಶಗಳು (Neurons) ಮಾನವನ ನರವ್ಯೂಹದ (Nervous System) ಪ್ರಮುಖ ಭಾಗ. ಇವುಗಳನ್ನು ಇಂದ್ರಿಯ ದತ್ತಾಂಶಗಳ (ಸಂದೇಶ) ವಾಹಕಗಳೆಂದು ಕರೆಯುತ್ತಾರೆ. ಹಾಗೂ ಮಿದುಳಿನ ವಿವಿಧ ಪ್ರದೇಶಗಳ ನಡುವೆ, ಮಿದುಳು (Brain) ಮತ್ತು ನರಮಂಡಲದ ಉಳಿದ ಭಾಗಗಳ ನಡುವೆ ಮಾಹಿತಿಯನ್ನು ರವಾನಿಸಲು ಮಿದುಳಿನಲ್ಲಿ ಉದ್ಭವಿಸುವ ವಿದ್ಯುತ್ ಪ್ರಚೋದನೆಗಳನ್ನು (Electrical Impulses) ಮತ್ತು ರಾಸಾಯನಿಕ ಸಂಕೇತಗಳನ್ನು (Chemical Signals) ಬಳಸುತ್ತವೆ. ಬೆಳಕಿನಿಂದ ಮಿದುಳಿನಲ್ಲಿ ಪ್ರತಿಕ್ಷಣವೂ ಹಲವಾರು ಕ್ರಿಯೆಗಳು ಜರುಗುತ್ತವೆ. ಮಿದುಳಿನ ಎಲ್ಲ ಚಟುವಟಿಕೆಗಳಿಗೂ, ಬೆಳಕಿಗೂ (ಭೌತಿಕ ಪರಿಸ್ಥಿತಿ)