Author(s): ಡಾ. ಮಹದೇವಪ್ಪ. ಹರಿಜನ

Abstract: ಡಾ|| ಬಾಬಾ ಸಾಹೇಬ್ ಅಂಬೇಡ್ಕರ್‍ರವರು ಸಾಮಾಜಿಕ ನ್ಯಾಯ ವಿಧಾನಕ್ಕೆಒಂದು ದಿಕ್ಕು ದೆಸೆಯನ್ನು ನಿರ್ಧೇಶಿಸಿದ ಮಹನಿಯರು. ಸಾಮಾಜಿಕ ನ್ಯಾಯಕ್ಕಾಗಿ ನಡೆಸಿದ ಹೋರಾಟಕ್ಕೆ ನಾಂದಿ ಹಾಡಿದ ಆ ಕಾಲವನ್ನು ಸಾಮಾಜಿಕ ನ್ಯಾಯಶಕೆಯೆಂದು ಹೇಳಬಹುದು. ಅಂಬೇಡ್ಕರ ಅವರ ಸಾಮಾಜಿಕ ನ್ಯಾಯತತ್ವವು ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ಅಸಮಾನತೆಗಳೆಂಬವವು ಸಮಾಜದಲ್ಲಿ ಇರಬಾರದೆಂದು ಹೇಳುತ್ತದೆ. ದೇಶ, ಜಾತಿ, ಮತ, ಕುಲ, ಲಿಂಗಭೇಧ, ಸಂಪನ್ನತೆ ಸಾಮಾಜಿಕ ಅಂತಸ್ತು ಇಲ್ಲವೇ ರಾಜಕೀಯ ಪ್ರಭಾವದಿಂದ ಸಮಾಜದಲ್ಲಿ ವ್ಯಕ್ತಿಗಳ ಬಗ್ಗೆ ತಾರತಮ್ಯ ಇರಬಾರದೆಂದು ಹೇಳುತ್ತದೆ. ಒಂದು ಸಾಮಾಜಿಕ ಪದ್ಧತಿಯ ಪರಿಧಿಯಲ್ಲಿ ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ಸಂಬಂಧವಾದ ನ್ಯಾಯ ಎಂಬುದು, ರಾಷ್ಟ್ರೀಯ ಜೀವನಕ್ರಮದಲ್ಲಿರುವ ಎಲ್ಲ ವಲಯಗಳಿಗೆ ಅನ್ವಯಿಸಬೇಕೆಂದು ಅವರ ಮುಖ್ಯ ಉದ್ಧೇಶವಾಗಿತು.್ತ ಅಂಬೇಡ್ಕರ್‍ರವರ ಸಾಮಾಜಿಕ ನ್ಯಾಯ ವಿಧಾನವು ಜಾತಿ ಮತ್ತು ವರ್ಗದ ಆಧಾರದಿಂದ ಸಮಾಜದಲ್ಲಿ ಮೇಲ್ವರ್ಗ ಮತ್ತು ಕೆಳವರ್ಗ, ಶ್ರೀಮಂತ ಮತ್ತು ಬಡವ ಎಂಬ ತಾರತಮ್ಯವನ್ನು ಸೃಷ್ಟಿಸುವ ಸಾಂಪ್ರದಾಯಿಕ ವ್ಯವಸ್ಥೆಯ ತಾಯಿಬೇರನ್ನು ಕಿತ್ತು ಸಾಮಾಜಿಕ ಮತ್ತು ಆರ್ಥಿಕ ಸಮಾನತೆ, ಸ್ವಾತಂತ್ರ್ಯಕ್ಕೆ ಸರ್ಕಾರ ಬರವಸೆ ನೀಡಬೇಕೆಂಬ ಅಂಶದ ಬಗ್ಗೆ ಪಟ್ಟು ಹಿಡಿದ ಅಂಬೇಡ್ಕರ ಸಮಾಜದ ತಳವರ್ಗದ ಜನರನ್ನು ಒಗ್ಗೂಡಿಸಿ, ಅವರ ಶೋಷಣೆಯ ವಿರುದ್ಧ ಹೋರಾಟವನ್ನು ನಡೆಸಿ ಸಂವಿಧಾನ ನಿರ್ಮಾಪಕರಾಗಿ ಶಾಸನಬದ್ಧವನ್ನು ಸ್ಥಾನವನ್ನು ಕಲ್ಪಿಸಿದ್ದಾರೆ. ಈ ವಿಷಯಗಳ ಜಾರಿಯಲ್ಲಿ ಸರ್ಕಾರಗಳನ್ನು ಜವಾಬ್ದಾರಿಯನ್ನಾಗಿ ಮಾಡಿದ್ದಾರೆ.